2015 он гэхэд Монгол улс жилд 1 сая жуулчид хүлээн авдаг болсон байх зорилтот өдөр ойртох тусам тус улсын аялал жуулчлалын салбарт хөрөнгө оруулалтын суваг гаргаж, хувийн хэвшлийнхний илүү өргөн оролцоог дэмжих бодитой алхам хийхийг албаны хүмүүс засгийн газарт хандан уриалж байна.
Говь цөлийн нутгийн чулуужсан малтмалууд болон өвөрмөц шинж төрх бүхий хөндөгдөөгүй газар нутаг зэрэг бусдыг татах Монголын баялаг нь тус улс аялал жуулчлалын салбараа хөгжүүлж, тодорхой бүтээгдэхүүнд чиглэсэн дэд зах зээлийг ашиглаж эхлэх бат бөх суурь нь болж өгнө.
Гэвч албаны хүмүүс тус салбар дахь хангалтгүй хөрөнгө оруулалт мөн хөтлөн дагуулах өсөлтөд чиглэсэн бодитой алхам хийгдээгүй байгаа байдал нь түүний өсөлтөд хязгаарлалт болж байгаад санаа зовинож, зарим нь тус улсад давамгайлах болсон уул уурхайн салбараас болж аялал жуулчлалд эрсдэл учирч, өнгө зүсээ алдаж байна хэмээн шүүмжилсэн.
Монголд ирж байгаа хүмүүсийн тоо өсч, өнгөрсөн гурван жилд зорчигчдын тоо 11%-иар өсч, мөн хугацаанд орлого 32.5%-иар нэмэгдсэн талаар тоо мэдээллээс харж болно. Гэвч аялал жуулчлалын салбар нь ДНБ-ий ойролцоогоор дөнгөж 5%-ийг бүрдүүлж байгаа үед, албаны хүмүүс салбарын өсөлтийг буй болгоход чиглэсэн дорвитой арга хэмжээ авахыг уриалж байна. Ялангуяа тэд тээврийн дэд бүтэц, интернет болон холбоо харилцааны холболтууд, өндөр түвшний зочид буудлын байр, нислэгийн холболт болон хүний нөөцөд хөрөнгө оруулах шаардлагатай байгаа талаар тодорхой ярьж байна.
“Үр бүтээлтэй аялал жуулчлалын салбарыг буй болгохын тулд хөрөнгө оруулалт хэрэгтэй” хэмээн 6-р сард Байгаль орчин, аялал жуулчлалын яамны аялал жуулчлалын газрын дарга Ц.Оргодол Монголын Эдийн засгийн сэтгүүлд хэлжээ. “Зүгээр л ярихын оронд бид үйлдэл хийх ёстой. Засгийн газар хувийн хэвшлийнхэнд үйл ажиллагаа явуулах таатай орчинг буй болгох ёстой.”
Монгол улс өөрийн баялаг түүхээ жуулчидтай хуваалцах боломж олгох судалгаа шинжилгээний төвүүд, музей зэрэг үндсэн суурь бааз муутай байна хэмээн Оргодол хэлэв. Тэрээр “Өнөөдөр бид тэдгээр агуу их түүхийг ярьж, тэдгээрийг үзэсгэлэнгээр дамжуулан дэлгэн харуулах боломж алга,” хэмээн хэлсэн байна.
Монгол улсын аялал жуулчлалын салбар тус салбарын албаны хүмүүсийн хүссэнээс удаан боловч өргөжихийн хирээр Оргодол зэрэг бусад нөхдүүд орчуулагч, хөтөч, менежер, нягтлан бодох зэрэг сайн бөгөөд чанартай хүний нөөцүүд уул уурхайн салбарт ажил эрхлэхийг илүүд үзэх болсон тул тус салбар тэднийг татах боломжоо алдаж байна хэмээн айж байгаа ажээ.
Монголын Үндэсний аялал жуулчлалын байгууллагын захирал Б.Индраа зэрэг зарим албаны хүмүүс уул уурхайн салбар нь тус улсын өв соёлын бүрдэл хэсгүүдэд аюул учруулж болзошгүй гэсэн нэмэлт айдастай байгаа ажээ. 6-р сард болсон сонсголын үеээр Бичигтийн хадны хөндий, Дархадын хотгор, Данзанравжаагийн ариун бясалгалын орон зэрэг түүхэн ашиг сонирхол бүхий газруудад уул уурхайн компаниуд газар ашиглах эрх авсан байгаа талаар санаа зовинож байгаагаа Индраа мэдэгдсэн байна.
Тэрээр Интер Пресс үйлчилгээний байгууллагад “Уул уурхайгаас болж Монгол орны олон газар нутгийн газрын төрх байдал болон соёл урлаг эргэлт буцалтгүйгээр өөрчлөгдөж байгааг харахад харамсмаар байна. Уг бодит үнэнээс зайлах аргагүй.” гэжээ.
Жуулчдын тоог өсгөх засгийн газрын хүчин чармайлтыг хойшлуулахад уул уурхай нөлөөлсөн гэж үздэг нөхдүүд цухалдаж байх хооронд, аялал жуулчлалын зарим албаны хүмүүсийн үзэж байгаагаар бол маш хэрэгцээтэй байгаа дэд бүтцийн хөгжлийн санхүүжилтийг хангахад олборлох үйлдвэрлэлийн ашигтай салбарууд чухал үүрэг гүйцэтгэж чадах ажээ.
Монголын жуулчдын холбооны Дэд ерөнхийлөгч Н.Эрдэнэбат байгалийн баялаг ихтэй бусад улс орнууд энэ стратегийг амжилттай хэрэгжүүлсэн талаар цохон тэмдэглэсэн байна. Тэрээр “Байгалийн нөөцөөсөө олсон ашгаа аялал жуулчлалынхаа салбарт хөрөнгө оруулсан Канад, Австрали, Чиль, Малайз, Арабын зэрэг бүх орнуудын түвшинд бид хүрч чадна.” хэмээн тэр хэлсэн байна.
Аялал жуулчлалын өсөлтийг дагуулж, орон нутгийн [нислэгийн] холболтуудыг сайжруулах гол бүрэлдэхүүн хэсэг болж буй тус улсад удахгүй байгуулагдах Хөшигтийн хөндийн Олон улсын нисэх онгоцны буудлыг хэсэгчилэн санхүүжүүлэхэд уул уурхайгаас олсон орлогоо ашиглах замаар Монгол улс энэ замыг дагасан анхны алхмаа хэдүйнээ хийсэн байна.
Уул уурхайн салбар нь гадны ажилчдын урсгал, нийтийн тээврийн хөрөнгө оруулалт, жижиглэн худалдааны голлох брэнд дэлгүүрийн нээлтүүд ар араасаа давалгаалахад хүргэсэн Улаанбаатарын хөгжлийн гол хөдөлгөгч хүч болохыг мөн баталж байна. ЭмСиЭс Холдинг Монголтой зэрэгцээд Хонг Конг-д байрлалтай Шангри-Ла Груп нь (Shangri-La Group) хотын өргөжилтийн ард талд 2013 он гэхэд нийслэл хотод 273 өрөөтөй зочид буудал нээж, харин Хиат Рижэнси Улаанбаатар нь (Hyatt Regency) дараагийн жилд нь 259 ортой байгууламжийг барьж дуусгахаар төлөвлөж байна.
Монголын аялал жуулчлалын салбарын өргөжиж буй хурдтай холбоотой санаа зовнисон асуудал байхын зэрэгцээ тус салбарын ихэнх тоглогчид уул уурхайг урагшлах арга зам хэмээн төвлөрөхийн оронд байгалийн баялгаас олсон орлогыг тус салбар луу чиглүүлэн татах үйл явцыг хурдасгах нь зөв хэмээн хүлээн зөвшөөрч байна. Өсөлтийг дагуулахын тулд тус улсын аялал жуулчлалын салбарт хэрэгтэй шинэ дэд бүтэц болон маргетингийн санаачлагуудыг санхүүжүүлэх тус улсын хүчин чармайлтын хувьд Монголын байгалийн баялаг нөөц нь үнэхээр гол түлхүүр байж болох юм.
Stay updated on how some of the world’s most promising markets are being affected by the Covid-19 pandemic, and what actions governments and private businesses are taking to mitigate challenges and ensure their long-term growth story continues.
Register now and also receive a complimentary 2-month licence to the OBG Research Terminal.
Register Here×The downstream energy sector in Brunei Darussalam is set to get the biggest makeover in its history, with a Chinese consortium planning to invest up to $6bn to develop an oil refinery and...
Un nouvel organisme gouvernemental chargé de la gestion du tourisme, qui devrait démarrer ses activités ce mois-ci, regroupera sous un même toit plusieurs activités du secteur touristique tunisien...
The Turkish Prime Minister Bulent Ecevit has spent the last week in the US hoping to garner support for economic reforms at home and trade concessions for Turkish exports to the US.
